مرحبا بكل من يفهم اللغة المغربية جريييييييو دغيا welcome

السلام عليكم ياأعزائي اقرأو وردو عليا الخبار واش هادشي زين او لا ok enjoy

_هدا واحد الراجل عندو ارنب بغا يبيعو جا عندو واحد المبوق اقال ليه بشحال هاد القرد؟؟؟قال ليه هدا ارنب ماشي قرد ارد عليه المبوق ا قال ماسولتكش نتا سولت الارنب.

1:هذا وحد لكانبو ديما غادي لقهوة باش يتعلم اش يشرب 7أيام عاد تعلم كوكا كولا كيمشي لقهوة كيقول ليه صاحب المقهى اش تشرب كيقول كوكا ولات كتعذبو في لمصران 7أيام تاني عاد تعلم قهوة مشا لقهوة قالو ليه اش تشرب قاليه قهوة هو يسولو واش نص نص أو قهوة حليب أو اكسبريس تلف هو يقول ليه كوكا.

2:قاليك هدا واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى .

3:جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي
4:فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو

5:قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو"
6:واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة
7:واحد خينا كيخرج كل صباح مزيز و كيدوز عند محماد الشلح و كيقول ليه محماد كاين الخبز كارم كيرد عليه محماد لا مكاينش و ديما كيف كيخرج كيدوز عند محماد
واحد النهار محماد كرم 200 خبزة و كيتسنة في خينا يدوز
واحد اللحظة جا لعندو هو يقول ليه محماد كاين الخبز كارم رد عليه ايه موجود
هو يقول ليه خينا و الله لا تباع لييييييييييك

8:هداواحد الإرهابي طلع لطوبيس هاز سيف.هو يقول للي راكب

للي ما كتنتهيش سميتو فللخر بكلمة الدين بحال( نور الدين) غادي ندبحو.مشا عند الأول قال ليه سميتك قال ليه صلاح الدين .الثاني نور الدين الثالث سيف الدين .هو يلقا واحد اللور كيترعد هو يقول ليه سميتك قال ليه هو كيترعد ههه بيتادين

9:واحد بخييييل..خرج مرتو ...دارو حتى عياو وما شرى ليها والو..بقات كطلب فيه وتزاوك ..هو يشري ليها مسكا ديال 4 دريال...بقات كتمضغ ..كتمضغ حتى تقرعاتtgar3at ..وهو يقول ليها : شبعتي يا الحلوفا ؟؟

10:هدا واحد مول لحانوت مهبلو واحد لفار دار ليه نشبة هداك لفار كياكل لماكلة بل متشدو نشبة قال و الله تاندير ليه كاميرة في الليل صباح جا يطالع عليه لق لفار شينوي كياكل باعواد

11:هدا واحد المجرم خرج من الحبس، المحلات ديال الدرب كلهم سدوا، ماعدا محماد الشلح، وقف عليه المجرم، وقال ليه: اعطيني ساندويش، محماد الشلح خايف، نسى غلاقة ديال المونادا وسط ساندويش،المجرم قال ليه: ناري محماد اليوم ندبحك، محماد الشلح خايف جاوبو: ياه لقيتي غلاقة ديال المونادا ، وربحتي ثلاجة...

12:هذا واحد لبخيل دا ولدوا معاه المرجان(سوبر ماركت)دخل الولد وجمع فشكلاط والحلوة وشبس وهو يقولوا باه شهادشي قالوا ولدوا كنبغيهم ابابا كنبغيهم وهو يقولو وبوسهم ورجعهم لبلاستهم.
13:هدا واحد كيموت بقا كيهدر مع مراتو او تيقول ليها مللي جراو علي من الخدمة كنت معايا مللي مرضت وقفتي معايا مللي جراو علينا مالين الدار بقيتي معايا بقا كيشوف فيها هو يقول ليها تفو منهار شفتك ما شفت الربح المنحوسة

14:واحد جوج مبوقين كيتفرجو فالأخبار نقز واحد فيهم وهو يقول واناري اصاحبي ليوما شحال طولو فالأخبار وهو يقول ليه لاخر سكوت اصاحبي را وقيلة الحلقة الأخيرة

15:هدا واحد البوليسي د الطريق النهار كامل ما صور والو . ملي قرب يسالي الخدمة وقف واحد الطوموبيل راكبة فيها مرى. قالها عندك لوراق قالتلو عندي. البولات خدامين قالتلو خدامين..... الحاصول بقا كيصقصي غيرباش تدور معاه و هي كلشي عندها هو هاداك. ملي شاف راسوا غدي يضيع ..قال ليها عندك المسجلة قالتلو عندي. قال ليها عندك الداودي جاوبتوا عندي و هو يقول ليها تلقيه. ملي تلقاتو البوليسي بدا كيشطح و قال ليها علقي لخوك


ارجو ان تعجبكم هده النكت ضعو اي كلمة المهم ان تكون من ايديكم الحلوة وشكرااااااا